బీజేపీ మీద గుర్రుగా టీడీపీ ? కూటమి కడితే ప్రయోజనం ఏమిటి..

కూటమి కడితే ప్రయోజనం ఏమిటి అన్న చర్చ తమ్ముళ్ల నుంచి పెద్ద నేతల దాకా మొదలైంది అని అంటున్నారు. బీజేపీతో పొత్తు అంటే ఎగిరి గంతేసి పెట్టుకుంది తెలుగుదేశం. అదే ఈ రోజు కొంప ముంచుతోందా అంటే అవును అంటున్నారు. అసలు నోటా కంటే తక్కువ ఓట్లు వచ్చిన బీజేపీకి ఏపీలో ఆరు ఎంపీ సీట్లు పది ఎమ్మెల్యే సీట్లు ఇవ్వడం కంటే వల్లమాలిన ఆలోచన వెరేది ఉండదని అంటున్నారు. బీజేపీతో పొత్తు అని వెంపర్లాడటం వల్లనే కమలం పార్టీ ఏపీని కూటమిని లైట్ తీసుకుంటోందా అన్నా చర్చ నడుస్తోంది. వ్యవస్థలు తమకు సహకరించేలా చూసేందుకే పొత్తు అంటే ఈ రోజుకీ అది జరగడం లేదు అన్నది టీడీపీ శిబిరంలో వినిపిస్తున్న మాట. ఈ రోజు కూడా ఏపీలో వైసీపీ ప్రభుత్వమే దర్జాగా పనిచేస్తోంది అని కూడా వాపోతున్నారు. ఏపీలో అధికారుల నుంచి అంతా తమ మాట ఎక్కడా వినడం లేదు అన్న బాధ ఉంది.