ANDRAPRADESH, NARA LOKESH: ఒక యువ నాయకుడిగా, బాధ్యతాయుత ప్రజాప్రతినిధిగా తన సత్తా ఇప్పటికే చాటుకున్న నారా లోకేష్… ఇప్పుడు మరో విభిన్న పాత్రలోనూ తన గొప్పదనాన్ని చాటుకుంటున్నారు. తన తండ్రిగా ఉన్న పాత్రను అద్భుతంగా నిర్వర్తిస్తూ, కుటుంబానికి కూడా సమాన ప్రాధాన్యత ఇస్తున్నారు.
శనివారం జరిగిన దేవాన్ష్ పాఠశాల పేరెంట్-టీచర్ మీటింగ్ (PTM) కు లోకేష్ స్వయంగా హాజరయ్యారు. రాజకీయాల్లో నిరంతరం బిజీగా ఉండే లోకేష్, ఈసారి ఒక రోజు సెలవు తీసుకొని కుటుంబంతో సమయాన్ని గడిపారు. ఇది ఓ సాధారణ సందర్భంలా అనిపించొచ్చు. కానీ, కుటుంబానికి ఇచ్చిన ప్రాధాన్యత ఈ ఘటనను ప్రత్యేకం చేస్తోంది.
ఈ సందర్భాన్ని సోషల్ మీడియా వేదిక 'ఎక్స్'లో పంచుకుంటూ, తన భార్య బ్రాహ్మణి, కొడుకు దేవాన్ష్‌తో కలిసి దిగిన ఫొటోను షేర్ చేశారు. అందులో ముగ్గురూ హాయిగా నవ్వుతూ కనిపించారు.
లోకేష్ ఈ మేరకు రాశారు:
"ఇవాళ దేవాన్ష్ పీటీఎం‌కి వెళ్ళడానికి ఒక రోజు సెలవు తీసుకున్నా. ప్రజాజీవితానికి కాస్త విరామం ఇచ్చాను. కుటుంబంతో గడిపే ఈ ముచ్చటైన క్షణాలు నాకు మరింత ప్రత్యేకంగా అనిపిస్తాయి. దేవాన్ష్ ప్రపంచం, అతని చిన్న కథలు, చిరునవ్వు... తండ్రిగా ఉండడాన్ని మాయాజాలంలా అనిపింపజేస్తాయి. మేము నిన్ను గర్విస్తున్నాం దేవాన్ష్!"
గతంలో లోకేష్ మాట్లాడుతూ..
"నా స్కూల్ పీటీఎంలకు నాన్న చంద్రబాబు రాలేరు. ఆయన ఎప్పుడూ బిజీగా ఉండేవారు. అందుకే అమ్మ భువనేశ్వరి హాజరయ్యేవారు."** అని తెలిపారు. ఇప్పుడు అదే పరిస్థితి లోకేష్ ఎదుర్కొంటున్నారు. దేవాన్ష్ పీటీఎంలకు సాధారణంగా బ్రాహ్మణి హాజరవుతూ ఉంటారు.
కానీ ఈసారి దేవాన్ష్‌కు ఒక అపూర్వమైన అనుభూతిని అందిస్తూ, తనను సంతోషపెట్టి, గర్వపడేలా చేస్తూ, లోకేష్ స్వయంగా హాజరయ్యారు. ఇది ఒక తండ్రి నుంచి వచ్చే ప్రేమను, బాధ్యతను, కట్టుబాటును చూపించే క్షణం. రాజకీయ నాయకుల జీవితాల్లో కుటుంబానికి సమయం కేటాయించడం ఎంత ముఖ్యమో చూపించే స్ఫూర్తిదాయక సంఘటనగా ఇది నిలిచింది. తండ్రిగా, భర్తగా, నాయకుడిగా మూడు పాత్రల మధ్య సమతౌల్యాన్ని చక్కగా నిర్వహిస్తున్న నారా లోకేష్ ఇప్పుడు యువతకు నిజమైన రోల్ మోడల్‌గా నిలుస్తున్నారు.